“Pioggia ‘e luglio” di Adele Libero

 

 

Nuje comme foglie jammo  dinta ‘a pioggia,

comme varchette currimmo po’ fiume,

forze ‘o destino ‘e  purtarrà  p’ ‘a spiaggia,

o forze ‘o viento ‘e vularrà  luntano.

…

E po’ simme comme  ‘stu mese ‘e luglio,

c’annasconne ‘a stu  munno ‘a bella estate,

nu juorno  chiove e tutto è ‘nu subbuglio,

n’ato tornano e’ ssere  prufummate.

…

Pure stu core cagna e se ne spassa,

me pare ca cu mmè fa l’angarella,

‘mo è indifferente e l’ammore passa

‘mo soffre e vulesse chella stella.

…

Passa stu mese, passene ‘e jurnate,

e ‘e culure da vita so’ diverse,

mantiene ‘a strata  comme l’è sunnata,

e scrive ‘na puisia cu tanta verze.