Gelusia, di Adele Libero

 

Tu ca stanotte nun duorme, nziriuso,

e dint’e vvene me viene, annascuso.

Tu ca m’he ditto ca nun me vuò bene

doppo’ na vita ca steveme nzieme.

 

Mo vai truvanno e sfuglià n’ato ciore,

ca te po’ dà ‘o nnuovo ‘e l’ammore,

e n’ata femmena pe’ te’ è puisia

si tene a voce cchiù bella da’ mia.

 

Ma si dimane ‘o sole nun sponta

e tutto ‘o munno ‘un suspira a chest’onta

vo’ dì ch’’o Bene s’è perso p’’a strata

e tu può gghì a fa’ ammore cu’ n’ata.

 

 

 

Annunci