Vicino ‘o mare, di Adele Libero

 

Me sento sola, ccà’, vicino ‘o mare

pecchè chest’onna m’arricorda ammore,

quanno ‘na mano carezzava ‘a schiena

e je me sentevo ‘e tant’ammore chiena.

 

Intorno a mme passeggiano ‘criature

ca ‘a primma vota so’ venute a’ mare,

tenene ll’uocchie gruosse e spalancate

e comme stelle già se so’ appicciate.

 

Pur’io, sì, m’appicciavo dint’e braccia,

quanno tu me pigliave chesta faccia,

e mo’ me stregno e afferro sulo viento,

mentre l’ammore resta ‘nu turmiento.

 

Annunci