Mezza luna, di Adele Libero

 

 

Stanotte je veco sulo mezza luna,

se fa cchiù chiena si se specchia a mare,

diventa tonna e cu na faccia allera,

si l’onna l’accarezza tra ‘e lampare.

 

E’ comme quanno nuje facimmo ammore,

e po’ tu te ne vaje n’terra straniera,

allora je me sento mmiezo core

e sulo quanno torne songo intera.

 

Neh, voca, porta ‘e suonne mmiezo ‘o mare,

stregneme sotto ‘a luna ch’è liggiera,

je voglio sta ccu te’, so’ priggioniera

‘e sta nuttata ca fa delirare !!

 

Annunci