‘A superluna a Napule, di Adele Libero

foto di Luigi Lamanna

‘O tre dicembre fuje nu juorno strano,
‘a ggente d’’a città sugnava ‘a notte
senza sapè pecchè, ma chianu chiano
se truvaje a riunisse a mezanotte.

Pecchè n’coppa ‘a stu golfo – che furtuna –
ce fuje n’avvenimento eccezionale,
spuntaje d’’o monte ‘a grossa superluna
ca’ stu cielo allummaje comme ‘a Natale.

Se’ intravvedeveno ‘e strate splendente,
‘o mare ca pareva ’na spicchiera.
E pe’ ‘e napulitane affascinante
fuje ‘a luna ca ballaje n’coppa ’a costiera.

 

Annunci