Suspira Capri, di Adele Libero

Chino ‘e suspire è ‘o cielo stammatina,
‘nu mare argiento tremma, ma è luntano.
E’ triste Capri, comme ‘a na bambina
ca conta tutte ‘e nnuvole, assaje chiano.

Nun vere ll’ora ‘e vedè aucelluzze
ca tornene a chiurlà mm’iezo a ‘sti rame,
e ‘o sole ca po’ spunta pe’ ‘e viuzze
e turiste ca se tenene pe’ ‘e mane.

Allora essa se sente cchiù liggiera
e capisce ca essa è fantasia.
Ca ‘o Signore ll’ha fatta messaggera
pe’ l’omme ca ‘un capisce sta puisia.

 

Annunci