covid 2019-2021, di Adele Libero
Purte chist’anno stammo preoccupate,
o Covid nun ce lassa nun mumento,
a ggente nun va manco cchiù p’e strate
e tira annante senza sentimento.
Natale se n’è gghiuto tristemente,
niuscuno s’è guduto chesta festa,
a grotta po’ s’è accesa inutilmente
e Cristo ha chianto c’’a Madonna mesta.
E tutta ‘a colpa è sempe ‘e chisto mmale,
venuto da doje anne a cunsularce,
vedite po’ si è pure naturale
can nun putimmo manco cchiù abbracciarce:
‘O pate pensa sempe ‘e soje criature,
a mamma tremma si tenene a freva,
a zzia va trova dinto ‘e tirature
si tene ‘a mmedicina ca sulleva.
‘A sera stanno tutte stritte stritte
vicino a stu camino ch’è stutato,
niscuno canta e stanno invece zitte
pecchè ‘o virus a vita s’ha pigliato.
