‘O primmo ‘e l’anno, di Adele Libero

Songo arrivato, songo ‘o primmo ‘e l’anno,
so’ curto, piccerillo e speranzoso,
stanotte m’hanno fatto tante augurie,
d’esse felice, bello e fiducioso.

Infatti stammatina splenne ‘o sole,
Napule tene ‘o cchiù bello vestito,
pure ‘e ccriature stanno mmiez’’a via
scennenno ‘e scale n’zieme cu Maria.

Vanno sicuro proprio ‘nnante ‘ o mare
partenno c’’o penziero pe’ luntano,
se sonneno ‘e diventà dutture ,
ienno in America, Svizzera o Giappone .

Ma spesso ‘a vita sfascia tutte ‘e suonne
‘e basta ca tu incuntre na guagliona,
ce faje tre figlie tutte troppo belle
e pe’ campà faje torte e panettune.

Eh già, avimma sta tranquille e quiete,
piglianno chello ca ce porta ‘ a vita
e forze ce sentimme cchiù felice
quanno l’anno fernesce e se va a capo.