“Torna l’ammore” di Adele Libero

Si l’ammore te chiamma ‘nata vota,

nun te ne  puo’ fujì assai luntano,

nun può girà a n’ata parte ‘a capa,

si o’sentimento saglie chiano chiano.

…

E’ comme quanno sboccia ‘nu bocciuolo,

o quanno ‘a reto’ ‘o monte ‘o sole sponta,

o  siente ‘nu soprano ‘e fa’ n’assolo,

e pe’ tte cchiù niscuno ‘o munno conta.

…

‘A notte t’arrevoglie dinto ‘o lietto,

e suonne chella faccia scanusciuta,

e ‘nu dulore doce pogne ‘o pietto.

…

Nzino ‘a matina ca ‘o juorno te dice,

jammo, trova ‘o curaggio ‘e chisto ammore

chiammala ambresso, e sarrai felice.