Chiove, di Adele Libero

 

Steve chiuvenno quanno ‘un sì venuto,

‘a primmavera s’era avvicinata,

e l’albero ‘e limone era fiuruto

e l’auciello vulava n’coppo ‘o prato.

 

Je me strignevo forte a l’orsacchiotto,

l’ultimo dono ca m’ire purtato,

dicenno “Chisto è comme ‘nu cappotto,

te scarfa quanno ‘o core s’è mpuntato

 

pe ‘na carezza ca nun t’haggio dato,

pe’ nu ritardo senza spiegazione,

strignelo ‘o pietto e dalle tante vase

e presto ce sarà ‘na soluzione”

 

Ma chesta vota no, tu nun venive,

‘o telefono muto comme ‘a neve,

e je guardavo ‘e llaste d’’a fenesta,

diceva “Chiove”, forse tene ‘a freva !! ”

Advertisements