Areto ‘a muntagna, di Adele Libero
Dormono ‘e case, dorme ancora ‘a ggente,
scura è ‘a muntagna dinto ‘o cielo rosa.
Appena schiara juorno je me ne scenno
e vaco a Mergellina, ‘nnante ‘o mare.
C’haggia spià pecchè girammo sempe
e dinto ‘o nniente ‘e suonne se ne vanno,
forze isso ‘o ssape pecchè l’onna
va annanze e areto ‘a quanno ‘o munno è munno.
Ed ecco mo’ ‘e juaglione vanno ‘a scola,
passa ‘o carretto e venne ‘e caramelle,
ed io sto ccà, sto n’ata vota sola,
e fisso a luce chiara e ll’ati stelle.
