è arrivata, poesia di Eduardo De Filippo

Ah sentite
sentite st’aria fina
leggia e frizzante!
E ‘o culore ‘o vedite ‘e stu mare,
comme cagna a mumento?
Striscia ‘e seta celeste
ca stu viento ‘e punente
te ventulea pe’ te fa’ cammenà…

E camminano ‘e macchie turchine
secutannose l’una cu l’ata,
chella longa s’abbraccia a chell’ata
ma d’ ‘e bracce s’ ‘a vede ‘e scappa’.

(poesia pubblicata ne ‘O canisto del 1977)