“Destino” di Adele Libero
Nuje stamme tutte quante sotto ‘o cielo,
appise a cierte file trasparente,
ca nun verimme maje, pure si ‘a ggente
dice ca sta già scritto ‘ncoppo llà.
…
E allora è destino o fantasia,
quanno tu vire chello ca’ succede
e niente tu può fa e sulo ‘a fede
tante mumente te fa superà.
…
A puvertà, a sciorta, a malatia,
a vista ca’ s’appanna, ll’ossa rotte,
quacche dulore t’accumpagna ‘e notte
e dinto ‘o lietto nun te fire ‘e stà.
…
E quanno po’ quaccuno lassa a’ vita,
vide ca’ ‘o munno resta tale e quale,
e tu capisce ca’, com’è normale,
tutto fernesce primma ‘e accummencià.
