“Chiove” di Adele Libero

chiove

Chiove stasera ‘ncoppo a sta cullina,

chiove e ‘o silenzio cchiù nun fa rummore.

Te vulesse rialà ‘na na pioggia fina,

ca te trasesse dritta rinto o’ core.

Ma tu distratta  staje fore o’ balcone,

aspiette forse n’ato nnammurato,

te veco, sotto ‘a st’albero ‘e limone,

e te vurria parlà cu tutto ‘o sciato.

Ma l’albere hanno perze tutte ‘e foglie,

‘a strada se fa scura e cchina ‘e ggente,

e c’a malincuina nun se fa niente.

Te sonne ancora, nnamurata mia,

te penzo a Via Scarlatti e a Margellina,

e sulo ‘o mare me fa cumpagnia.