“Pe’ tte” di Adele Libero

Pe’ ttè vurria truvà mille culure,

vurria pittà ogni muro da’ collina,

e te vurria abbraccià ogne matina

pe’ darte tutte ‘e sciure e chistu core.

…

Te rialasse ‘e prufume ‘e San Martino,

ll’evera ca s’arrampica po’ monte,

a’ veduta ca saglie a Via Fontana,

e  ‘ll’ albere da’  Villa Floridiana.

…

Cu’ tte me sento allera e furtunata,

pure o’ dimane nun me fa’  paura,

e dell’ammore tu me’ fai sicura.

…

Pecchè a vita nun è sulo ‘na giostra,

è lotta, famme, ammore e fantasia,

ma de’ prubleme meie tu sì amnesia !