‘O filo ‘e l’ammore, di Adele Libero

o-filo-e-lammore

 

Vurrià tenè nu filo piccerillo,

‘nu filo d’oro pe’ filà l’ammore.

Filasse ogne juorno ‘nu pezzullo,

e chianu chianu t’arrivasse ‘o core.

 

Oppure me putesse trastullare,

purtanno areto ‘o filo a chille juorne,

quanno tu me guardave mm’iezo ‘e grare (1)

e me vasave pure a miezujourno.

 

Chissà si chistu filo overo esiste,

si ppo’ sfilà ‘e perle ‘e chesta vita,

tuglienno a ‘miezo tutte ‘e juorne triste,

fermannese quand’è gioia infinita.

  1. Le scale
Annunci