‘O munaciello, di Adele Libero

Gesù, je stammatina songo ricco:
haggio lassato ajere ‘a giacca appesa,
e mo’, si ‘a mano a’dinto je ce ficco,
ce stanno ‘e sorde ca teneva Creso !!

E sapevo ca spisso dint’’e case,
se trovano ‘e fantaseme indulgente,
si te pigliano cu’ ‘na bona fase
te cagnano sta vita da indigente.

Se chiamma “munaciello”, so sicuro,
è ‘nu spirito ca murette ampresso,
e mo’, nascuso dinto a quacche muro,
se piglia ‘na rivincita isso stesso.

Eh già, pecchè si tu addiviente abbiente,
‘o prieje da matina n’fino ‘a sera,
e isso, guarda e rire, e gongolante
cunsuma ‘e lume, n’incenzo e pure ‘a cera.

 

Annunci