“‘E strade ‘e Napule” di Adele libero
(dedicata alle amiche di Toponomastica Femminile per il loro impegno)
‘E strade ‘e Napule
so’ tutte belle
sotto ‘a sta luna
rosa curallo.
…
Ce sta ‘nu vico
ncoppa ‘a sagliuta,
ce sta ‘na strata
appassuliuta.
…
Ce sta ‘na piazza,
cu’ tante aiuole,
cammina ‘a ggente
mmiezo a ‘sti viole.
…
Ce sta ‘na Villa
vicino ‘o mare,
ma che prufumo,
vene stasera !
…
E strade ‘e Napule
so’ tutte ariose,
tenene ‘e nomme
‘e ggente famose.
…
Ce stanno artiste,
puete straniere,
o musiciste
‘e vero mestiere.
…
Ma poche ‘e femmene
ca so’ ricurdate,
comme si fossero
quase mai nate !!
…
Ce vo’ ‘na memoria
pure ‘e nuje donne,
cagnammo ‘sti strade
e mettimmece ‘e nomme !
