Facite largo ca je sto arrivanno
cu ll’aria, ‘o sole chiaro ca è cchiù chiaro,
cu poca pioggia e niente friddo amaro,…
faciteme passà. Songo l’està.

Ve porto sciure belle e prufumate,
grano ammaturo, coccole e resate,
‘e panne dell’invierno so’ astipate,
faciteme passà, je resto ccà.

‘E ccriature so’ pronte pe’ gghì a mare
a festeggià sti juorne ‘e festa ‘a scola,
‘a mamma annura mo se stenne, sola,
pecchè ’o culore niro vo’ piglià .

Insomma, mo so’ gioie pe’ tutte quante,
manco ‘o pensiero vo’ turnà all’inverno,
pecchè si no, amice, ‘o Pataterno
‘o mese austo c’ ’o ‘nventasse ‘a ffà ?