Betta, di Adele Libero

E p’’a casa stammatina
va giranno Elisabetta,
va truvanno, poverina,
‘sciusce d’aria bella e netta.

S’arricorda d’’e culure
ca cumprava ‘a donna Alice,
acquarelle e terra secca
pe’ fa’ quatre pe’ l’amice.

Dint’e quatre ’na marina,
quatte scogli e varchetelle,
‘e pittava d’’a matina
tutte chiare e tutte belle.

Po’ nu juorno se scetaje
cu na’ tenda n’coppe all’uocchie,
cchiù stu cielo nun vedeva
chissà, forze nu maluocchie.

Sente Ddio chiste suspire,
chesta voglia e vedè bene?
E sperammo ca a stu giro
leva a l’anima ‘a sti ppene